ມີຜູ້ເສຍຊີວິດຢ່າງໜ້ອຍ 15 ຄົນຈາກການປະທະກັນຢູ່ນະຄອນຣາຟາ
ອີງຕາມລາຍງານຈາກວິທະຍຸກະຈາຍສຽງຫວຽດນາມ ໃຫ້ຮູ້ໃນວັນທີ 29 ເມສາ 2024 ຜ່ານມານີ້ວ່າ: ສຳນັກຂ່າວສານ ວາຟາ
(WAFA) ຂອງ ປາແລດສະຕີນ ໄດ້ໃຫ້ຮູ້ວ່າ: ມີຊາວປາແລັດສະຕິນເສຍຊີວິດຢ່າງໜ້ອຍ 15 ຄົນ ຈາກການບຸກໂຈມຕີຂອງ ອິດສະຣາ
ແອນ ແນໃສ່ຕຶກອາ ຄານອາພັດເມັນ 3 ແຫ່ງຢູ່ນະຄອນ ຣາຟາ (Rafah), ທາງທິດໃຕ້ຂອງເຂດ ກາຊາ ໃນຕອນຄ່ຳຂອງວັນທີ 28 ເມ
ສາ 2024 ຜ່ານມາ.
ປັດຈຸບັນ, ຍັງມີປະຊາຊົນຫຼາຍຄົນສູນຫາຍໃນຊາກຫັກພັງ ແລະ ໜ່ວຍງານກູ້ໄພກູ້ຊີບພວມພະຍາຍາມຄົ້ນຫາ ແລະ ຊ່ວຍເຫຼືອຜູ້
ທີ່ລອດຊີວິດ. ຕາມຂໍ້ມູນຕົວເລກຈາກຝ່າຍ ປາແລັດສະຕິນ ໃຫ້ຮູ້ວ່າ: ຈາກການໂຈມຕີຂອງກອງທັບ ອິດສະຣາແອນ ໄດ້ເຮັດໃຫ້ມີຊາວ
ປາແລັດສະຕິນເສຍຊີວິດໄປແລ້ວຈຳນວນ 66 ຄົນ ແລະ ມີຫຼາຍຄົນໄດ້ຮັບບາດເຈັບໃນ 24 ຊົ່ວໂມງຜ່ານມາ.
ກ່ອນໜ້າເຫດການໂຈມຕີດັ່ງກ່າວ, ວັນທີ 28 ເມສາ 2024 ຜ່ານມາ, ສື່ມວນຊົນ ອິດສະຣາແອນ ໄດ້ໃຫ້ຂ່າວວ່າ: ຫົວໜ້າໜ່ວຍ
ງານໄອຍະການຂອງສານຍຸຕິທຳສາກົນ (ICJ) ຢູ່ ລາໄຮ, ປະເທດ ໂຮນລັງ, ອາດຈະຮັບຮອງເອົາຂໍ້ຕົກລົງຈັບຕົວນາຍົກ ລັດຖະມົນຕີ, ລັດ
ຖະມົນຕີກະຊວງການຕ່າງປະເທດ ແລະ ຫົວໜ້າເສນາທິການກອງທັບ ອິດສະຣາແອນ ດ້ວຍຂໍ້ກ່າວຫາທີ່ພົວພັນເຖິງການໂຈມຕີຢູ່ເຂດ
ກາຊາ.
ແຫຼ່ງທີ່ມາ: ໜັງສືພິມກອງທັບ
ວັນທີ 02/05/2024